Memleket basshysy Pavlodar oblysynyń kreatıvti jastarymen kezdesti

ASTANA. QazAqparat – Memleket basshysy Pavlodar oblysynyń kreatıvti jastarymen kezdesti, dep habarlaıdy QazAqparat.

Qasym-Jomart Toqaev jastardyń jetistikterine joǵary baǵa berip, elimizdiń keleshegi joǵary tehnologııalardyń damý deńgeıine baılanysty ekenin atap ótti.

«Bir ǵana Pavlodar oblysynda osynshama talantty jastar bar. Sondyqtan sizder elimizdiń ekonomıkasyn damytýǵa eleýli úles qosatyndaryńyzǵa eshqandaı kúmánim joq. Men jastarǵa árdaıym kóńil bólemin. Bizdiń jastarymyz, eń aldymen, uqypty, eńbekqor, oıy ushqyr, kreatıvti, isker bolýy kerek. Men jastarǵa úlken úmit artamyn», – dedi Qasym-Jomart Toqaev.

Buǵan deıin Memleket basshysy Pavlodar aqparattyq tehnologııalar kolledjiniń negizinde qurylǵan aımaqtyq IT-Hub qyzmetimen tanysqan bolatyn.