Memleket basshysy óńirlerde qarajattyń ıgerilýine qatysty pikir aıtty
Memleket basshysynyń aıtýynsha, jańa salyq ári bıýdjet saıasaty óńirler paıdasyna qaraı ortalyqtyń qarjy-ekonomıkalyq fýnktsııalaryn barynsha ortalyqsyzdandyrýy tıis. Bul rette jergilikti deńgeıge kirister men shyǵystardyń aýqymdy kólemin berýge bolady. Osy baǵytta jobalardy júzege asyrýǵa qatysty talapty kúsheıtý kerek.
«Tek osy jaǵdaıda ǵana naqty nátıje boıynsha jergilikti bıliktiń róli men jaýapkershiligi arta túsedi. Men osyǵan deıin bıýdjetti josparlaýdy, bıýdjetaralyq qatynastardy, baǵalaý júıesin jetildirý boıynsha naqty tapsyrmalar berdim. Alaıda nátıje kóńil kónshitpeıdi», - dedi Qasym-Jomart Toqaev.
Osy oraıda Prezıdent Qarjy mınıstrligi jumysynda kemshilikter bar ekenin aıtty.
«Strategııalyq josparlaý jáne reformalar agenttigine óńirlermen jáne sarapshy qoǵamdastyqpen birlese joǵaryda atalǵan basymdyqtar boıynsha praktıkalyq reformalardyń paketin ázirleýdi tapsyramyn. Reformalar azamattar men bıznestiń múddesin tolyqqandy qanaǵattandyrýy tıis», - dedi Qasym-Jomart Toqav.
Budan buryn habarlanǵandaı, Prezıdent bıýdjet qarajatyn ıgerýde oryndalǵan jumystardyń sapasyna qatysty pikir bildirdi.
Qasym-Jomart Toqaev ekonomıkanyń naqty sektoryna nesıe bólýge bankterdi jumyldyrý kerek ekenin aıtty.