Memleket basshysy: Oq atýǵa buıryq berilgen kezde alańdarda beıbit sherýshiler bolǵan joq
«Odan keıin «Ol beıbit sherýshilerdi atýǵa buıryq berdi» degen sııaqty bolǵan oqıǵany basynan aıaǵyna tóńkerip talqylaý qajet emes. Ol kezde alańdarda beıbit sherýshiler qalmaǵan bolatyn. Ondaǵylar buzaqylyq jasap jatqan, tonaýǵa bardy. Bandıtter tarapynan aıryqsha qatygezdik baıqaldy», - degen Prezıdent tártip pen qaýipsizdikti qadaǵalaıtyn quzyrly organdardyń sol kezde qalaı áreket etkenin eske aldy.
«Tótenshe jaǵdaı rejımi engizilgen kezde basqarýshy uıym Іshki ister mınıstrligi bolady. Tótenshe jaǵdaı rejımi antıterrorıstik operatsııa rejımine aýysqan kezde basqarýshy uıym Ulttyq qaýipsizdik komıteti bolýy kerek. Mundaı aýysymdy iske asyrý óte qıyn. Olar isterdi ótkizip, keńesip jatty. Men aıttym: «Joldastar, tyńdańyzdar, soǵys bolyp jatyr, al sizder májilis quryp otyrsyzdar. Sizderge kóterilisti basýdyń búkil jaýapkershiligin óz bólimshelerińizge alýǵa buıryq beremin. Al men sizderge endi tek Joǵary Qolbasshy retinde ǵana emes, Qaýipsizdik keńesiniń tóraǵasy retinde pármen beremin» dep aıttym», - dedi Prezıdent.