Memleket basshysy Nepal Prezıdenti Bıdhıa Devı Bhandarıge kóńil aıtty

ASTANA. QazAqparat - Memleket basshysy Nepal Prezıdenti Bıdhıa Devı Bhandarıge kóńil aıtý jedelhatyn joldady, dep habarlaıdy QazAqparat QR Prezıdentiniń baspasóz qyzmetine silteme jasap.

Qasym-Jomart Toqaev Pokhara qalasynyń mańynda jolaýshylar ushaǵynyń apatqa ushyraýy saldarynan kóptegen adamnyń qaza tapqany týraly qaıǵyly habardy kúızelispen qabyldady.

Memleket basshysy jedelhatta Nepal Prezıdentine jáne qaıtys bolǵandardyń týystary men jaqyndaryna kóńil aıtty.