Memleket basshysy «Nazarbaev Ýnıversıtetiniń» ǵylymı-zertteý keshenine bardy
14:47, 01 Jeltoqsan 2018
ASTANA. QazAqparat - Memleket basshysy Nursultan Nazarbaev «Nazarbaev Ýnıversıteti» derbes bilim berý uıymy ınfraqurylymynyń bir bóligi sanalatyn jańa ǵylymı-zertteý kesheniniń jumysymen tanysty. Bul týraly Aqordanyń baspasóz qyzmetinen málim etti, dep habarlaıdy QazAqparat.
Atap aıtqanda, Qazaqstan Prezıdenti elektrondyq mıkroskopııa, atomdyq-kúsh mıkroskopııasy, robot tehnıkalary jáne zııatkerlik júıeler, ozyq robot tehnıkalary men mehatrondyq júıeler zerthanalaryn, sondaı-aq energetıkalyq ǵaryshtyq zerthanany aralap kórdi.
Jalpy, keshende 117 zerthana, sonyń ishinde 67 ınjenerlik-tehnıkalyq, 40 hımııa-bıologııalyq jáne 10 taza aımaq bar.