Memleket basshysy naryqtaǵy qaýipsizdikti saqtaý úshin tehnıkalyq retteý týraly zań ázirleýdi tapsyrdy

NUR-SULTAN. QazAqparat – Memleket basshysy Qasym-Jomart Toqaev ishki naryqta ulttyq taýarlar men ónimderdiń qaýipsizdigin qamtamasyz etý úshin Úkimetke tehnıkalyq retteý týraly zań ázirleýdi tapsyrdy, dep habarlaıdy QazAqparat tilshisi.

«Bizdiń halyq lıftter men atraktsıondardyń, tamaq ónimderiniń sapasynyń tómendigi boıynsha máselemen jıi betpe-bet keledi. Ónim sapasy men qaýipsizdigi eshqashan ekinshi orynǵa ysyrylmaýy kerek. Іshki naryqtaǵy qaýipsizdikti saqtaý úshin ulttyq sertıfıkattaý júıesin damytyp, ulttyq standarttarǵa degen senimdi qaıtarý kerek. Tehnıkalyq retteý men akredıtteý zańnamasy 10 jyl buryn qabyldanǵan. Ol búgingi kúnniń talaptaryna saı emes. Úkimet tehnıkalyq retteý týraly zań ázirleýi kerek», - dedi Prezıdent Úkimettiń keńeıtilgen otyrysynda.

Prezıdent zańdy jyl sońyna deıin qabyldaý kerektigin tapsyrdy.