Memleket basshysy Mańǵystaý oblysynyń gaz tasymaldaý júıesin qaıta qurýdy tapsyrdy

NUR-SULTAN. QazAqparat – Úkimettiń keńeıtilgen otyrysyn qorytyndylaǵan Memleket basshysy Qasym-Jomart Toqaev Úkimetke eldiń batysyndaǵy gaz qubyrlarynyń múmkindigin keńeıtý týraly tapsyrma berdi, dep habarlaıdy QazAqparat tilshisi.

«Qazir el ekonomıkasyndaǵy gaz salasynyń róli óte mańyzdy. Jaqynda osy taqyryp boıynsha arnaıy keńes ótkizdik, negizgi baǵyttardy aıqyndadyq. Elimizdiń gaz tasymaldaý júıesin jańǵyrtý – basty mindettiń biri. Úkimet pen «Samuryq-Qazyna» qory tıisti usynystardy ázirledi. Oǵan qoldaý kórsetýge daıynmyn. Mańǵystaý jáne Atyraý óńirleriniń gazǵa degen suranysy artyp keledi. Osyǵan oraı «Mańǵystaý oblysynyń gaz tasymaldaý júıesin qaıta qurý» jáne «Maqat-Soltústik Kavkaz» magıstraldi gaz qubyrynyń lýpıng qurylysy» jobalaryn bastaýdy tapsyramyn», - dedi Prezıdent.