Memleket basshysy: Latyn álipbıine ne úshin kóshemiz
«Kırıllıtsanyń birneshe árpi qazaq leksıkasyna múldem qatyspaıdy. Qazaq tilinde «», «» belgileri, «ch», «ş», «ıa» áripteri joq. ıApondy biz japon deımiz. Sonyń barlyǵy bizdiń tilimizdi, jazýymyzdy, jurttyń oqýyn qıyndatty. Munyń barlyǵy eń negizgi emes te shyǵar. Eń negizgisi, myna zamanmen, bolashaqpen birge bolý úshin ol bizge kerek. Latyn álipbıine kóshý arqyly bizdiń barlyǵymyz da aqparattyń damyp kele jatqan keńistigine enetin bolamyz. Buǵan deıin aıtqanymdaı, ınternet tili - bul ǵylym men mádenıet tili. Biz bul baǵytta ilgerilep te kelemiz. Men atalǵan álipbı týraly Jarlyq ta shyǵardym, ony ózderińizde bilesizder», - dedi Elbasy kezdesý barysynda.
QR Prezıdenti gýmanıtarlyq bilim berý máselesine de keńinen toqtaldy jáne gýmanıtarlyq saladaǵy 18 kitaptyń qazaq tiline aýdarylyp jatqanyn jáne ony mektepter de, ýnıversıtetter de oqıtyn bolatyndyǵyn basa aıtty.
Sondaı-aq Elbasy «Týǵan jer» baǵdarlamasyna da toqtaldy.
«Ár adamnyń otansúıgishtigi óz otbasynan, ákesinen, anasynan, baýyrlarynan, turǵan úıinen, aýylynan bastalady. Qazir de qazaqtardyń 40 paıyzdan astamy aýylda turady. Buryn aýylda 90 paıyzy turǵan edi. Sol aýyldyń bir ataqty tóbesi, ózeni, sol jerde shyǵatyn ósimdigi, jıdegi bar. Sonyń barlyǵy - Otanymyz, týǵan jerimiz. Meniń de qazir kózimdi jumsam, kishkentaı kezimde júrgen jerlerim, aralaǵan taýlarym, jata salyp, sýyn urttaǵan ózenderim esime túsedi. Sondyqtan, Týǵan jer degen - ár adamnyń kishi otany», - dedi Prezıdent.
Memleket basshysynyń atap ótýinshe, qazirgi ýaqytta elimizdiń qaltaly azamattary týǵan aýyldaryna baryp, 300 mlrd teńgege 720 áleýmettik nysan salyp bergen.