Memleket basshysy latyn álipbıin engizýde asyǵystyq jasamaý kerektigin aıtty

NUR-SULTAN. QazAqparat – QR Prezıdenti Qasym-Jomart Toqaev Mádenıet jáne sport mınıstri Aqtoty Raıymqulovany qabyldaý kezinde latyn álipbıin engizý máselesinde asyǵystyq jasamaý kerektigin aıtty, dep habarlaıdy QazAqparat.

Kezdesýde Qasym-Jomart Toqaev bıylǵy Joldaýda aıtylǵan basym baǵyttardy tıisti deńgeıde júzege asyrýǵa, el arasynda buqaralyq sportty keńinen nasıhattap, ony odan ári damytýǵa qatysty naqty tapsyrmalar berdi. Sondaı-aq latyn álipbıin engizý máselesinde asyǵystyq jasamaı, jumysty ǵalymdarmen jan-jaqty saraptaı otyryp júrgizý kerek ekenin atap ótti.