Memleket basshysy: Qurban aıtta ınfektsııalyq qaýipsizdikti barynsha qamtamasyz etý qajet

NUR-SULTAN. QazAqparat – Memleket basshysy Qasym-Jomart Toqaev Qurban aıtta ınfektsııalyq qaýipsizdikti barynsha qamtamasyz etýdi tapsyrdy, dep habarlaıdy QazAqparat tilshisi.

«Erteń búkil musylman qaýymy úshin qasıetti Qurban aıt merekesi bastalady. Elde kúrdeli ahýal qalyptasyp otyr. Sondyqtan biz jurttyń qurbandyq shalatyn jerlerde jappaı jınalýyn boldyrmaýymyz kerek. Jaǵdaıdy odan beter ýshyqtyryp alýymyz múmkin. Úkimet pen ákimder osy máseleni erekshe baqylaýda ustaýǵa tıis. Qurban aıtta ınfektsııalyq qaýipsizdikti barynsha qamtamasyz etý qajet», - dedi Qasym-Jomart Toqaev elimizdegi epıdemıologııalyq ahýal jóninde keńeste.

Aıta keteıik , Prezıdenttiń qatysýymen elimizdegi koronavırýs indetine baılanysty epıdemıologııalyq ahýal jóninde keńes ótip jatyr.