Memleket basshysy quqyq qorǵaý organdarynyń jumysyn túbegeıli ózgertýdi usyndy
«Іshki ister organdarynyń qyzmetkerleri kúnde qylmyspen kúresip otyrady. Al keı kezde halyqty qorǵaımyn dep, óz ómirlerin de qaýipke tigedi. Táýelsizdik jyldary osy jolda 770 polıtseı qaza tapty. Biz bolsaq, qıt etse, olardy jamandaımyz. Al qaýipti jaǵdaıda polıtsııaǵa júgiremiz. Degenmen, halyq quqyq qorǵaý organdarynyń túbegeıli ózgerýin kútip otyr. Polıtsııa jazalaý taıaqshasy emes, adamnyń kómekshisi bolýy shart», - dedi N. Nazarbaev Joldaýdy jarııalaý barysynda.
Osy oraıda Prezıdent QR Іshki ister mınıstri Qalmuhambet Qasymovty kásibı polıtseı retinde syılaıtynyn jetkizdi. «Men general Qasymovty eń kásibı polıtseı, adal ári táýir adam dep sanaımyn. Sondyqtan polıtsııany qalaı ózgertetinimizdi ózi usyna alady. Іshki ister organdaryn jańǵyrtý boıynsha arnaıy Jol kartasyn qabyldaý kerek. Ony kelesi jyly bastaýymyz qajet», - dep atap kórsetti N.Nazarbaev.
Aıta keteıik, aldaǵy ýaqytta polıtseılerdiń jalaqysy kóteriledi. Budan bólek, quqyq qorǵaýshylardy daıarlaý 5 jyldan 6 aıǵa qysqarýy múmkin.