Memleket basshysy: Kóshpendilik – qazaq halqynyń basty brendteriniń biri

ASTANA. QazAqparat – Memleket basshysy Qasym-Jomart Toqaev Ulttyq quryltaıdyń negizgi otyrysynda kóshpendilikti qazaq halqynyń basty brendteriniń biri retinde atady, dep habarlaıdy QazAqparat tilshisi.

«Qazaqtyń taǵy bir ereksheligi – kóne dáýirden beri kele jatqan ómir salty. Ózge elder bizdi kóshpendilerdiń urpaǵy retinde biledi. Bul da – halqymyzdyń basty brendiniń biri. Kelesi jyly meniń shaqyrýymmen Qazaqstanda V Dúnıejúzilik kóshpendiler oıyndary ótedi. Bul qadam ulttyq sportty damyta túsýge zor múmkindik beredi. Sondyqtan, baıraqty básekeni joǵary deńgeıde ótkizýimiz kerek», - dedi Memleket basshysy.

Qasmy-Jomart Toqaev mádenı muramyzǵa jetetin birneshe nysandy transulttyq atalymdar boıynsha ıÝNESKO tizimine engizý úshin ótinish berilgenin eske saldy.

«Bul sharýa kórshi eldermen birlesip atqarylyp jatyr. Jaqynda ıÝNESKO-nyń bas dırektory Odre Azýle hanym meniń shaqyrýymmen Qazaqstanda boldy. Ol Túrkistanǵa ádeıi at basyn burdy. Bul – bedeldi halyqaralyq uıym basshysynyń sońǵy 10 jylda elimizge jasaǵan alǵashqy sapary. Men Azýle hanymmen arnaıy kezdestim. Ol maǵan Býrabaı, Marqakól qoryqtary jáne «Orteke» óneri ıÝNESKO tizimine engizilgenin rastaıtyn qujatty tabystady. Munyń bári Qazaqstannyń tabıǵı jáne mádenı murasyn álemge tanytýǵa septigin tıgizeri sózsiz. Biregeı salt-dástúrimizdi materıaldyq emes muralar tizimine qosýǵa qatysty jumysty jalǵastyrý qajet», - dedi Prezıdent.