Memleket basshysy qolǵa alǵan saıasat barshaǵa teń múmkindik berýge baǵyttalǵan – Máýlen Áshimbaev

ASTANA. QazAqparat – Memleket basshysy qolǵa alyp otyrǵan saıasat halyqtyń ál-aýqatyn arttyrýǵa jáne barshaǵa teń múmkindik berýge baǵyttalǵan. Bul týraly jalpy otyrysta Senat tóraǵasy Máýlen Áshimbaev aıtty, dep habarlaıdy QazAqparat tilshisi.

«Joldaý árdaıym el damýynyń basym baǵyttary men aldaǵy maqsat-mindetterdi aıqyndap berýimen mańyzdy. Bul joly Memleket basshysy elimizdegi ekonomıkalyq saıasattyń jańa modelin qalyptastyrýǵa basymdyq berdi. Ózderińizge belgili, búgingi álemdegi kúrdeli ahýal memleketterdiń damýyna áserin tıgizýde. Osyndaı qıyn kezeńde Prezıdentimiz halyqtyń turmys sapasyn arttyrýǵa asa mán berip otyr. Joldaýda jańa ekonomıkalyq saıasattyń naqty ári tıimdi tetikteri anyqtaldy. Shaǵyn jáne orta kásipkerlikti qoldaýdyń júıeli mehanızmderi kórsetildi. Bárine birdeı túsinikti, ashyq, ádiletti salyq saıasatyn qamtamasyz etý qajettigi aıtyldy. Investıtsııa tartý úshin qolaıly bıznes-klımat qalyptastyrýǵa úlken mán berildi», - dep toqtaldy Máýlen Áshimbaev.

Senat tóraǵasy Joldaýda aıqyndalǵan mindetterdi oryndaý úshin Senat depýtattary tarapynan barynsha qoldaý kórsetiletinin málim etti.

«Memleket basshysy qolǵa alyp otyrǵan saıasat halyqtyń ál-aýqatyn arttyrýǵa jáne barshaǵa teń múmkindik berýge baǵyttalǵan. ıAǵnı, bul bastamalar ádilettilik qaǵıdalarynyń barlyq sala júzege asýyna múmkindik jasaıtyny sózssiz», - dep túıindedi Máýlen Áshimbaev.