Memleket basshysy QHR Tóraǵasyna kóńil aıtý jedelhatyn joldady

NUR-SULTAN. QazAqparat - Memleket basshysy Qasym-Jomart Toqaev QHR Tóraǵasyna kóńil aıtý jedelhatyn joldady, dep habarlaıdy Aqorda.

Qytaı Halyq Respýblıkasynyń Tóraǵasy Sı Tszınpınge joldaǵan jedelhatynda Qasym-Jomart Toqaev Sychýan ólkesinde oryn alǵan jer silkinisi saldarynan kóptegen azamattyń qaza tapqany jáne zardap shekkeni týraly sýyt habardy tereń kúızelispen qabyl alǵanyn jazdy.

«Osyndaı aýyr sátte qaıǵy-qasiretterińizge ortaqtasyp, barsha qazaqstandyqtardyń jáne jeke óz atymnan Sizge jáne jaqyndarynan aıyrylǵan otbasylarǵa, sondaı-aq dostas Qytaı halqyna qaıǵyra kóńil aıtamyn. Tabıǵı apatta jaralanǵandardyń tez arada saýyǵyp ketýin jáne iz-tússiz joǵalǵandardyń otbasylaryna aman-esen oralýyn tileımin», – dep jazylǵan Prezıdenttiń jedelhatynda.

Buǵan deıin habarlanǵandaı, Qytaıdyń ońtústik-batysyndaǵy jer silkinisi qurbandarynyń sany 21-ge jetti.