Memleket basshysy Qazaqstannyń shyǵarmashyl jastarymen kezdesti

ASTANA. QazAqparat - Nursultan Nazarbaev Qazaqstan halqy Assambleıasynyń XXV sessııasy bastalar aldynda jas ánshi Dımash Qudaıbergenovpen jáne rejısser Aqan Sataevpen kezdesti, dep habarlaıdy Aqordanyń baspasóz qyzmeti.

Elbasy áńgime barysynda Dımash Qudaıbergenovti Qytaıda ótken halyqaralyq baıqaýdaǵy jeńisimen quttyqtap, oǵan baq-bereke jáne zor shyǵarmashylyq tabys tiledi.

 

Aqan Sataev Qazaqstan Prezıdentine óziniń josparlary jóninde aıtty. Nursultan Nazarbaev kınotýyndylar túsirerde qazaq ultynyń qalyptasýy, táýelsiz Qazaqstannyń jańa elordasynyń salynýy jónindegi taqyryptardyń ózekti ekenin eskerý qajettigin atap ótti.


 

Sońynda Qazaqstan Prezıdenti elimizdiń jas daryndaryna batasyn berdi.