Memleket basshysy: Qazaqstanǵa shetelden tikeleı ınvestıtsııany tartý jumysyn toqtatpaý kerek

NUR-SULTAN. QazAqparat - Qazaqstan Prezıdenti Qasym-Jomart Toqaev shetelden ınvestıtsııa tartýda eldiń qazirgi múmkindikterin tolyq paıdalanýymyz kerektigin aıtty, dep habarlaıdy QazAqparat tilshisi.

«Koronavırýs pandemııasy eń qyzyǵy jańa múmkindikterge de jol ashyp otyr. Sol sebepti ishki naryqty barynsha toltyrýmen birge biz básekege qabiletti eksporttyq taýardy quryp, eń qysqa ýaqyttyń ishinde olardy naryqqa jetkizý isin qamtamasyz etýimiz kerek», - dedi Qasym-Jomart Toqaev Úkimettiń keńeıtilgen otyrysynda.

Memleket basshysynyń aıtýynsha, shetelden tikeleı ınvestıtsııany tartý jumysyn toqtatpaý kerek.

«Investorlar turaqty ortany izdeıdi. Sol sebepti bizdiń eldiń qazirgi múmkindikterin tolyq paıdalanýymyz kerek», - dedi Memleket basshysy.