Memleket basshysy qazaqstandyqtardy Naýryz meıramymen jáne Ramazan aıynyń bastalýymen quttyqtady
«Biz jastarymyzǵa qamqor bolyp, olarǵa barynsha jaǵdaı jasaımyz. Men jastarǵa senemin! Olarǵa zor úmit artamyn! El bolashaǵy – óskeleń urpaqtyń qolynda. Endeshe, týǵan elimizdi birge damytaıyq, aǵaıyn! «Birlik túbi – bereke» deıdi halqymyz», - dedi Prezıdent elordadaǵy «Táýelsizdiktiń 25 jyldyǵy» monýmenti janyndaǵy alańda ótip jatqan Naýryz meıramyna arnalǵan merekelik is-shara barysynda.
Memleket basshysy qoǵamda kelisim jáne tatýlyq bolsa, elimiz kózdegen maqsatyna jetetindigin basa aıtty.
«Bizdiń maqsatymyz – aıqyn. Bul – Ádiletti Qazaqstandy qurý. Osy jolda bárimiz bir kisideı jumylaıyq, ardaqty aǵaıyn! Bıyl qasıetti Ramazan aıy Ulystyń uly kúnimen qatar keldi. Oraza ustaıtyn jamaǵattyń nıeti qabyl bolsyn! Ár shańyraqqa qydyr qonyp, baq darysyn! Jańa jyl qut-bereke ákelsin! Ulys oń bolsyn! Aq mol bolsyn!», - dedi Qasym-Jomart Toqaev.