Memleket basshysy: Qazaqstandaǵy koreılerge qoldaý kórsete beremiz

NUR-SULTAN. QazAqparat - Qazaqstanda 100 myńnan astam koreı ulty turyp jatyr. Bul týraly búgin Aqordada elimizge memlekettik saparmen kelgen Koreıa Respýblıkasynyń Prezıdenti Mýn Chje Inmen keńeıtilgen quramdaǵy kelissóz barysynda QR Prezıdenti Qasym-Jomart Toqaev aıtty, dep habarlaıdy QazAqpart tilshisi.

«Bizdiń mádenı-gýmanıtarlyq baılanystarymyzdyń ret-retimen ilgerileı túsýine Qazaqstanda turyp jatqan koreı ultynyń azamattary mańyzdy úles qosady. Ózińiz de biletindeı, koreıler Qazaqstandaǵy on eń iri etnostyń qataryna kiredi. 100 myńnan astam koreı turyp jatyr», - dep atap ótti QR Prezıdenti

Osy rette Qazaqstan Prezıdenti el aýmaǵynda turǵyp jatqan koreı etnostaryn damytýǵa munan ary da jan-jaqty qoldaý kórsetiletindigin basa aıtty.

«Biz óz tarapymyzdan, Úkimet tarapynan baýyrlas koreılerdiń ulttyq ózindik erekshelikterin qoldaıtyn bolamyz», - dedi Q.Toqaev.