Memleket basshysy «Qazaqfılm» bıýdjetin qaıta qarastyrýdy tapsyrdy
«Qazirgi kezde «Qazaqfılmge» jumsap jatqan qarjyny tolyǵymen qaıta qarastyrý kerek. Bul turǵyda qyrýar qarjy bar. Buǵan deıin olarǵa osynshama qarajat bólinbegen edi. Qomaqty qarjy qajet baǵyttarda ıgerilýi tıis. Tájirıbeli adamdardy, halyqaralyq mamandardy tartý kerek»,-dedi Prezıdent. Memleket basshysy «Úlken el - úlken otbasy» jobasyn iske qosý qajettigin atap ótti. Onyń aıasynda kınofılmder, serıaldar, memlekettiń tarıhy týraly, qazaqstandyq mádenıet jaıynda arnaıy baǵdarlamalar qurylmaq. Óz kezeginde Mádenıet jáne sport mınıstri Arystanbek Muhamedıuly rýhanı baılyqty bekitetin, patrıottyq sezimderdi oıatatyn shyǵarmalar qoıý baǵytynda ár fılmdi kórkemdik keńesten ótkizý sharalary júrip jatqandyǵyn atap ótti. Sonymen qatar, mınıstr qazirgi kezde telearnalardaǵy serıaldardy baqylaý boıynsha úlken jumystar atqarylyp jatqandyǵyn jetkizdi.