Memleket basshysy Iran Prezıdentine kóńil aıtý jedelhatyn joldady

ASTANA. QazAqparat – Qasym-Jomart Toqaev Iran Islam Respýblıkasynyń Prezıdenti Ibrahım Raısıge kóńil aıtý jedelhatyn joldady, dep habarlaıdy QazAqparat Aqordaǵa silteme jasap.

Jedelhatta Qazaqstan Prezıdenti Irannyń Shıraz qalasyndaǵy Shahcheraǵ ǵıbadathanasynda bolǵan lańkestik árekettiń saldarynan kóptegen azamattyń qaza tapqany jáne jaraqat alǵany týraly sýyt habardy tereń kúızelispen qabyl alǵanyn jetkizdi.

«Osyndaı aýyr sátte qaıǵy-qasiretterińizge ortaqtasyp, barsha qazaqstandyqtardyń jáne jeke óz atymnan Sizge, jaqyndarynan aıyrylǵandarǵa, sondaı-aq búkil Iran halqyna kóńil aıtamyn», - dep jazylǵan Memleket basshysynyń kóńil aıtý hatynda.

Qasym-Jomart Toqaev baqılyq bolǵandardyń jany jánnatta bolýyna, zardap shekkenderdiń tezirek saýyǵyp, otbasylaryna oralýyna tilektestik bildirdi.

Eske salsaq, Iran mavzoleıinde er adam 15 adamdy atyp óltirgen bolatyn.