Memleket basshysy: Inflıatsııany baqylaý-retteý jolymen tejeý tásilinen ketý kerek

NUR-SULTAN. QazAqparat – Prezıdent Qasym-Jomart Toqaev Úkimettiń keńeıtilgen otyrysynda ınflıatsııany baqylaý-retteý jolymen tejeý tásilinen júıeli salalyq sharalarǵa kóshýdi tapsyrdy, dep habarlaıdy QazAqparat tilshisi.

«Ekinshi másele - ınflıatsııany aýyzdyqtaý. Baǵa barlyq elde jappaı ósip jatyr. Soǵan qaramastan, biz ınflıatsııany 8,4 paıyzdan asyrmaı ustap qaldyq. Baǵany ósirmeý úshin kóbinese naryqqa tán emes ádister qoldanyldy. Osynyń bári - sharasyzdyqtan jasalǵan qadamdar. Mundaı ustanym kúnderdiń kúninde ınflıatsııanyń kúrt ósýine ákep soqtyrýy múmkin», -dedi Prezıdent.

Sondaı-aq, ol óńirlerde bul baǵyttaǵy jumys bastalyp ketkenin jetkizdi.

«Baqylaý-retteý tásilinen júıeli salalyq sharalarǵa kóshý kerek. Men naqty tapsyrmalar berdim. Úkimet pen ákimder jumysqa kirisip ketti», -dedi Qasym-Jomart Toqaev