Memleket basshysy Gennadıı Golovkınge tabys tiledi

ASTANA. QazAqparat - Qazaqstan Prezıdenti Nursultan Nazarbaev tanymal kásipqoı boksshy Gennadıı Golovkınge «Kanelomen» aıqasta tabys tiledi. Qazaqstan Respýblıkasy Prezıdentiniń Teleradıokesheni eksklıýzıvti beınejazba jarııalady, dep habarlaıdy QazAqparat.

«Seni qyrkúıekte óte mańyzdy aıqas kútip tur. Barlyq qazaqstandyqtardyń atynan saǵan tabys tileımin. Seniń barlyq jekpe-jekterińdi otandastaryń zer salyp kóredi. Biz senimen maqtanamyz. Bul jastar úshin, olardyń tárbıesi úshin óte mańyzdy», - dedi Prezıdent.

Óz kezeginde G. Golovkın «Meniń mindetim - jeńý, Sizdiki - buıyrý»,- dep jaýap berdi.

Qazaqstanda Golovkın - Alvares II boks shoýy 16 qyrkúıek kúni tańǵy saǵat 6-da bastalady. Ony «Qazaqstan» jáne «Qazsport» telearnalary tikeleı efırden kórsetedi.