Memleket basshysy: Etnosaıasatymyz birtutas ári dáıekti júrgizilýge tıis
«Bizdiń etnosaıasatymyz birtutas bolyp, dáıekti túrde júrgizilýge tıis. Sondaı-aq ǵylymı tujyrymdarǵa negizdelýi qajet. Osy saladaǵy tapsyrmalardy oryndaý barysynda meniń saılaý aldyndaǵy tuǵyrnamam jáne basqa da strategııalyq qujattar basshylyqqa alynýy kerek. Mysaly, qazir áleýmettik salada júıeli ózgerister jasalyp jatyr. Men jaqynda Áleýmettik kodekske qol qoıdym. Mundaı mańyzdy qujat TMD memleketteri ishinde alǵash ret qoldanysqa engizilip otyr», - dedi Qasym-Jomart Toqaev.
Memleket basshysy bul kodeks elimizdiń jańa áleýmettik saıasatyn aıqyndaıtyndyǵyn, memleket pen azamattar arasyndaǵy qarym-qatynastyń múlde jańa úlgisin qalyptastyratynyn basa aıtty.
«Sondaı-aq jańa áleýmettik kelisimniń negizin qalaıdy. Bir sózben aıtqanda, jańa kodeks búgingi kúnniń talaptarymen meılinshe úndesedi. Sol sııaqty etnosaıasat ta memlekettiń basymdyqtaryna tolyq saı kelýi kerek», - dedi Prezıdent.