Memleket basshysy Erbolat Dosaev týraly: Іsker, eńbekqor adam

NUR-SULTAN. QazAqparat – QR Prezıdenti Qasym-Jomart Toqaev Almaty qalasynyń jańa ákimi Erbolat Dosaev taǵaıyndaýǵa qatysty túsinik berdi, dep habarlaıdy QazAqparat tilshisi.

«Ondaı oıym joq. Almaty – elimizdegi eń iri, erekshe shahar. Qalanyń ahýaly, turǵyndardyń ál-aýqaty meniń jeke nazarymda. Qańtar oqıǵasy kezinde qalanyń ekonomıkasy zardap shekti. Azamattardyń jáne bıznes ıeleriniń dúnıe-múlki tonaldy. Kóptegen nysan órteldi, qıratyldy», - dedi Qasym-Jomart Toqaev Qazaqstan ulttyq telearnasyna bergen suhbatynda.

Memleket basshysy, qıraǵan qalany qalpyna keltirý kerek ońaı sharýa emes ekenin aıtty.

«Sondyqtan osyndaı jaýapty jumys jańa ákim Erbolat Dosaevqa júkteldi, qolynan keledi dep úmittenemin. Sebebi onyń bıznes salasynda, memlekettik qyzmette tájirıbesi mol. Іsker, eńbekqor adam. Jumys isteýine múmkindik bergen jón dep oılaımyn», - deıdi ol.