Memleket basshysy Emomalı Rahmondy týǵan kúnimen quttyqtady

ASTANA. QazAqparat - Qazaqstan Prezıdenti Tájikstan Respýblıkasynyń Prezıdenti Emomalı Rahmonmen telefon arqyly sóılesti, dep habarlaıdy QazAqparat Aqordanyń baspasóz qyzmetine silteme jasaı otyryp.

Áńgimelesý barysynda Nursultan Nazarbaev Emomalı Rahmondy týǵan kúnimen quttyqtap, oǵan zor densaýlyq pen baq-bereke tiledi. Sonymen qatar, joǵary memlekettik laýazymynda tabysqa jete berýine nıettestigin bildirdi. 

Memleketter basshylary ekijaqty yntymaqtastyqtyń jaı-kúıi men perspektıvalaryn, sondaı-aq óńirlik kún tártibindegi ózekti máselelerdi talqylady.