Memleket basshysy: Elimizdi damytý jáne halyqtyń ál-aýqatyn arttyrý qashan da mańyzdy mindet

NUR-SULTAN. QazAqparat – Elimizdi damytý jáne halyqtyń ál-aýqatyn arttyrý qashan da mańyzdy mindet. Bul týraly Memleket basshysy Qasym-Jomart Toqaev Úkimettiń keńeıtilgen otyrysy barysynda aıtty, dep habarlaıdy QazAqparat tilshisi.

«Jalpy, kúrdeli kezeńge qaramastan el ekonomıkasy damyp kele jatyr. Bul turǵyndar men bıznes ókilderiniń qalyptasqan ahýalǵa, shekteý is-sharalaryna beıimdele bastaǵanyn kórsetedi. Memleket tarapynan kórsetilgen qoldaý jumystary maqsatqa sáıkes jáne tıimdi júrgizildi. Biraq, indettiń beti áli qaıtqan joq. Biz barlyq kórsetkishti jarııa ettik. Qazir jaǵdaı áli de bolsa kúrdeli. Degenmen, taǵy da qaıtalap aıtamyn, elimizdi damytý jáne halyqtyń ál-aýqatyn arttyrý qashanda mańyzdy mindet. Bárimiz eldiń ıgiligi, halyqymyzdyń múddesi úshin eńbek etýimiz kerek», - dedi QR Prezıdenti .