Memleket basshysy elektrondyq úkimet portalynyń jumysyn kúsheıtýdi tapsyrdy

NUR-SULTAN. QazAqparat – Elektrondyq úkimet portalyn nasıhattaý úshin qajetti sharalardy qabyldaý kerek. Bul týraly Úkimettiń keńeıtilgen otyrysynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Búginde bizdiń azamattar memqyzmetterdiń 70 paıyzǵa jýyq túrin, ıaǵnı 750 qyzmettiń 504 túrin elektrondyq úkimet portaly arqyly alady. Sonymen birge, osy qyzmetterdiń tek besinshi bóligi elektrondyq formatta usynylady. Bul óz kezeginde halyqtyń qyzmetter jaıynda álsiz aqparattandyrylǵanyn, tehnıkalyq ári rásimdik qıyndyqtardyń bar ekenin bildiredi», - dedi Prezıdent.

Osy oraıda, Memleket basshysy jaýapty mınıstrlikke servısti jaqsartý men tıimdilikti arttyrý jumystaryn júrgizýdi tapsyrdy.

Munymen qosa Q. Toqaev bilikti qyzmetkerlerdiń jetispeýshiligin, aqparattyq júıedegi kemshilikterdi joıýdy tapsyrdy. Osy oraıda aqparattyq júıelerdiń ıntegratsııasyn jospar boıysha iske asyrý júkteldi.

«Elektrondyq úkimet portalyn nasıhattaý men onyń jumysyn qamtamasyz etý boıynsha Úkimet tıisti sharalardy qabyldaýy kerek», - dedi Memleket basshysy.