Memleket basshysy eldegi jaǵdaıǵa tolyq saraptama jasaı bildi - Kenjehan Matyjanov

ALMATY. QazAqparat - M. Áýezov atyndaǵy Ádebıet jáne óner ınstıýtynyń dırektory, fılologııa ǵylymdarynyń doktory Kenjehan Matyjanov QR Prezıdenti Qasym-Jomart Toqaevtyń Parlament Májilisiniń jalpy otyrysynda jasaǵan málimdemesine qatysty óz oıyn bildirdi, dep habarlaıdy QazAqparat tilshisi.

Kenjehan Matyjanovtyń aıtýynsha, Memleket basshysy eldegi jaǵdaıǵa tolyq saraptama jasaǵan.

«Memleket basshysy eldegi jaǵdaıǵa tolyq saraptama jasady. Prezıdent halyqtyń janyn jegideı jegen kúrdeli máselelerdiń barlyǵynan habardar jáne ony tereń zerttegen. Jaǵdaıdy jedel saýyqtyryp, túbegeıli reformalar jasaýǵa daıyn ekendigin kórsetti. Ol óziniń eldegi ahýaldy tolyq biletindigin jáne ony halyqpen birlese otyryp sheshe alatyn saıası kúsh- jigerin aıqyn tanytty»,- deıdi M.Áýezov atyndaǵy Ádebıet jáne óner ınstıýtynyń dırektory.

Sonymen qatar, ol ishtegi aıaqtan shalatyndarmen aldaǵy kúres budan da qıyn bolatynyn tilge tıek etti.

«Sondyqtan da, qadirli aǵaıyn, Memleket basshysy men jańa saılanǵan Úkimet basshysyna halyq qoldaýy aýadaı qajet. Bir bolaıyq, elimizdiń taǵdyry úshin judyryqtaı jumyla bileıik, Qazaq jurty»,-dedi ol.