Memleket basshysy ekonomıkany monopolııadan aryltý jumystaryna oń baǵa berdi

ASTANA. QazAqparat – Memleket basshysy Qasym-Jomart Toqaev Úkimettiń keńeıtilgen keńesinde ekonomıkany monopolııadan aryltý jumystaryna oń baǵa berdi, dep habarlaıdy QazAqparat tilshisi.

«Ekonomıkany monopolııadan aryltý – mańyzdy mindet. Bul baǵytta naqty jumys bastaldy. Nátıjesi qazirdiń ózinde jaman emes. Biraq munymen shektelýge bolmaıdy.

Elimizde mekemearalyq komıssııalar quryldy. Olardyń aldyna naqty mindetter qoıyldy. Osyǵan oraı, zańsyz shyǵarylǵan aktıvterdi qaıtarý, ádilettilikti qalpyna keltirý, adal básekelestikke jaǵdaı jasaý kerek.

Munyń bári – ýaqytsha mindet emes. Kerisinshe, bular – jańa ekonomıkalyq saıasattyń basty qaǵıdattary. Taýar naryǵynyń monopolııalyq qurylymy áli de ózgere qoıǵan joq. Onyń ústine bıznes, ásirese, orta bıznes qarqyndy damymaı otyr», - dedi Qasym-Jomart Toqaev.

Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.