Memleket basshysy dramatýrg Roza Muqanovany quttyqtady

NUR-SULTAN. QazAqparat - Memleket basshysy Qasym-Jomart Toqaev tanymal jazýshy, dramatýrg Roza Muqanovany týǵan kúnimen quttyqtady. Prezıdenttiń quttyqtaý hatyn Mədenıet jəne sport mınıstri Aqtoty Raıymqulova tabystady, dep habarlaıdy QazAqparat tilshisi.

«Ózińizdi otandastarymyz shyǵarmashylyq joldaǵy izdenisterge toly eńbegimen, adamı asyl qasıetterimen abyroıǵa bólengen qalamy ushqyr jazýshy əri dramatýrg retinde jaqsy biledi jəne qurmetteıdi. Aldaǵy ýaqytta da el ədebıetiniń órkendeýine súbeli úles qosyp, taǵylymy mol qundy dúnıelerińizdi asyǵa kútetin oıly oqyrmandaryńyzdy jańa týyndylaryńyzben qýanta berýińizge tilektestigimdi bildiremin.Sizge zor densaýlyq jəne otbasyńyzǵa qut-bereke tileımin», - delingen Memleket basshysynyń quttyqtaý hatynda.

Sonymen qatar Aqtoty Raıymqulova Roza Muqanovany Mınıstrlik atynan da quttyqtap, qyzmetine tabys tiledi.

Aıta keteıik, Roza Muqanova Qazaqstan Jastar odaǵy syılyǵynyń, T.Aıbergenov atyndaǵy syılyqtyń (1989), Halyqaralyq «Alash» ádebı syılyǵynyń laýreaty (2002). Sonymen qatar «Shatyr astyndaǵy Men» pesasy Memlekettik Grant júldesiniń (2008), Eýropa qoǵamdastyǵynyń sheshimi boıynsha ádebıetke sińirgen eńbegi úshin Frants Kafka atyndaǵy medaldiń ıegeri (2011).