Memleket basshysy DP World kompanııasy dırektorlar keńesiniń tóraǵasyn qabyldady
16:47, 27 Maýsym 2019
NUR-SULTAN. QazAqparat - Memleket basshysy DP World kompanııasy dırektorlar keńesiniń tóraǵasy Sultan Ahmed bın Sýlaıemdi qabyldady, dep habarlaıdy Aqorda.
Qasym-Jomart Toqaevqa Qazaqstannyń kólik-logıstıkalyq áleýetin arttyrýǵa halyqaralyq kompanııanyń qatysýy jóninde málimet berildi.
Qazaqstan Prezıdenti sheteldik ınvestorlardyń ózara tıimdi jumysy úshin elimizde barlyq qajetti jaǵdaı jasalǵanyn aıtty.
«Qazaqstannyń Aqtaý, Quryq teńiz porttaryna qatysty ınfraqurylymdyq jobalardy júzege asyrýǵa atsalysyp júrgenińizdi bilemiz. Atalǵan jobalar jemisti ári tıimdi bolady dep úmittenemin», - dedi Memleket basshysy.
Sultan Ahmed bın Sýlaıem Qasym-Jomart Toqaevqa kezdeskeni úshin alǵys aıtyp, DP World kompanııasynyń jaqyn arada iske asyrý úshin josparlaǵan perspektıvti ınvestıtsııalyq jobalary týraly aıtty.