Memleket basshysy bıýdjet esebinen júrgiziletin áleýmettik zertteýlerdiń nátıjesin synady

ASTANA. QazAqparat – Prezıdent Qasym-Jomart Toqaev Ulttyq quryltaıdyń negizgi otyrysynda bıýdjet esebinen júrgiziletin áleýmettik zertteýlerdiń nátıjelerin synady, dep habarlaıdy QazAqparat tilshisi.

«Memlekettik saıasatta taldaý, saraptama jasaý qyzmeti sapaly júrgizilýge tıis. Qoǵam tynysy árdaıym nazarda bolýy óte mańyzdy. Sheshim qabyldaǵanda jurttyń usynys-tilekterin, pikirin eskerý qajet. Barlyq quzyrly organdar osyndaı tásilmen jumys isteýge mindetti. Men muny únemi aıtyp júrmin», - dedi Qasym-Jomart Toqaev.

Prezıdenttiń paıymynsha, bul – turaqtylyq pen tynyshtyqtyń, ósip-órkendeýdiń kepili.

«Halyq únine qulaq asatyn memleket» tujyrymdamasynyń mán-mańyzy, ózegi – osynda. Qazir áleýmettik zertteý júrgizý úshin túrli mekemelerge qyrýar qarjy bólinedi. Biraq, jumys júıeli emes, sondyqtan nátıjesi kúmándi bolyp shyǵady. Bul jumysty bir jerden uıymdastyryp, keshendi túrde júrgizý kerek», - dedi Memleket basshysy.