Memleket basshysy: Biz álemge jańa Qazaqstandy tanytýymyz qajet

ASTANA. QazAqparat - Japonııa - kúnshyǵys eli, Koreıa - tańǵy shyq eli, al Qazaqstan - uly dala eli. Bul týraly búgin elimizdiń «Nurly jol» jáne ındýstrıaldy-ınnovatsııalyq memlekettik baǵdarlamalarynyń iske asyrylý barysyna arnalǵan jalpyulttyq telekópir barysynda Elbasy Nursultan Nazarbaev aıtty.

«Japonııa - kúnshyǵys eli, Koreıa - tańǵy shyq eli, Nıderlandy - qyzǵaldaqtar eli. Qytaı - aspan asty eli. Bizderge bul da jetispeıdi. Qazaqstan - uly dala eli. Uly dala, máńgilik zeńgir kók aspan. Birtutas tús bizdiń elimizdi biriktire túsedi», - dedi Elbasy.

Sonymen birge Memleket basshysy búgingi tańda jańa Qazaqstandy álemge tanytý qajettigin basa aıtty.

«Biz - uly dala perzentterimiz. Biz tek kóshpendiler ǵana emespiz. Dál osy uranmen, osy jańa brendpen biz álemge jańa Qazaqstandy tanytýymyz qajet. Bul úshin men ındýstrııalandyrý, jańa ekonomıkalyq saıasat, 5 ınstıtýttyq reforma ıdeıalaryn usyndym», - dedi N.Nazarbaev.