Memleket basshysy bıyl 200 jańa mektep salýdy tapsyrdy
14:28, 26 Qańtar 2021
NUR-SULTAN. QazAqparat – Búgin Úkimettiń keńeıtilgen otyrysynda Prezıdent Qasym-Jomart Toqaev bıyl 200 jańa mektep salýdy tapsyrdy, dep habarlaıdy QazAqparat tilshisi.
Prezıdent qazirgi kezde erekshe bilim berýdi qajet etetin balalar sany artyp kele jatqanyn atap ótti. Olarǵa aıryqsha qamqorlyq kerek. Osy oraıda Úkimetke naqty qajettilikter men zamanaýı standarttardy eskere otyryp, qarjylandyrý normatıvterin jańartý boıynsha shara qabyldaý tapsyryldy.
«Nur Otan partııasynyń saılaý aldyndaǵy tuǵyrnamasy aıasynda 2025 jylǵa deıin 800 jańa mektep salýǵa ýáde berildi. Qazirden bastap osy jumysqa kirisý kerek. Bıyl 200 jańa mektep salýdy tapsyramyn», - dedi Memleket basshysy.