Memleket basshysy Berdimuhamedovti Túrkimenstan Prezıdenti bolyp saılanýymen quttyqtady

ASTANA. QazAqparat - Memleket basshysy Nursultan Nazarbaev Gýrbangýly Berdimuhamedovke Túrkimenstan Prezıdenti bolyp saılanýyna baılanysty quttyqtaý jedelhatyn joldady, dep habarlaıdy Aqordanyń baspasóz qyzmeti.

Qazaqstan Prezıdenti jeke óziniń jáne el halqynyń atynan G.Berdimuhamedovti Túrikmenstandaǵy prezıdent saılaýynda jetken jeńisimen quttyqtady.

«Ótken saılaý nátıjesi - halyqtyń turmys deńgeıin arttyryp, eldiń halyqaralyq bedelin nyǵaıtý jolyndaǵy Sizdiń júzege asyryp otyrǵan saıasatyńyzǵa Túrikmenstan azamattarynyń seniminiń jáne qoldaýynyń kórsetkishi.

Dıplomatııalyq qarym-qatynas ornaǵannan bastap Qazaqstan men Túrkimenstannyń strategııalyq áriptestigi jyl ótken saıyn qarqyn alyp keledi.

Qazaqstan túrkimen halqynyń birligin, eldiń saıası jáne ekonomıkalyq damýyn nyǵaıtýdaǵy Sizdiń eńbegińizdi joǵary baǵalaıdy», - delingen jedelhatta.

Sondaı-aq, Memleket basshysy Túrkimenstan Prezıdentin jaqyn arada Qazaqstanǵa saparmen kelýge shaqyrdy.