Memleket basshysy barlyq mektepterge vıdeokamera ornatýdy tapsyrdy

NUR-SULTAN. QazAqparat – Memleket basshysy Qasym-Jomart Toqaev óńir basshylaryna mektepter men balabaqshalarǵa tolyǵymen vıdeokamera ornatýdy júktedi, dep habarlaıdy QazAqparat tilshisi.

«Keıingi jyldary balalar men jasóspirimder arasynda óz-ózine qol salý jaǵdaıy kóbeıip barady. Balalarǵa zorlyq-zombylyq kórsetý jaǵdaılary da azaımaı tur. Úkimettik emes uıymdarmen jáne sarapshylarmen birlesip, mundaı teris úrdistiń aldyn alý úshin sharalardy qabyldaý qajet. Osy máselege qatysty shetelderdiń ozyq tájirıbesin qoldanýǵa bolady», - dedi Prezıdent Úkimettiń keńeıtilgen otyrysynda.

Memleket basshysy óńir basshylaryna bıyl 100 paıyzdyq deńgeıde mektepke deıingi uıymdar men mektepterge beınebaqylaý kamerasyn ornatý jumysyn aıaqtaýdy tapsyrdy. «Tarazda bolǵan oqıǵa – naǵyz masqara» dedi Memleket basshysy.