Memleket basshysy Amandyq Batalovqa alǵys bildirdi
11:21, 24 Qarasha 2021
NUR-SULTAN. QazAqparat - Memleket basshysy Qasym-Jomart Toqaev Amandyq Batalovqa Almaty oblysynyń ákimi laýazymynda kóp jyl jemisti qyzmet atqarǵany, óńirdi damytýǵa jáne oblystyń áleýmettik-ekonomıkalyq áleýetin arttyrýǵa eleýli úles qosqany úshin alǵys bildirdi. Bul týraly QR Prezıdentiniń baspasóz hatshysy Berik Ýálı jelidegi paraqshasynda jazdy.
Eske salsaq, búgin Memleket basshysynyń Jarlyǵymen Amandyq Ǵabbasuly Batalov Almaty oblysynyń ákimi laýazymynan bosatyldy.
Ol 2014 jyldyń tamyz aıynan ber Almaty oblysynyń ákimi qyzmetin atqarǵan edi.
Sonymen qatar Qazaqstan Respýblıkasy Prezıdentiniń kómekshisi Qanat Bozymbaev Almaty oblysynyń ákimi bolyp taǵaıyndaldy.