Memleket basshysy Almatydaǵy №2 jylý-elektr ortalyǵyna gaz-bý qondyrǵysyn ornatýdy tapsyrdy
14:28, 10 Shilde 2021
NUR-SULTAN. QazAqparat – Úkimettiń keńeıtilgen otyrysynda Prezıdent Qasym-Jomart Toqaev Almaty qalasyndaǵy №2 jylý-elektr ortalyǵyn jańǵyrtý jobasyna qatysty tapsyrma berdi, dep habarlaıdy QazAqparat tilshisi.
«Men Úkimetke «Samuryq-Qazyna» qorymen birge Almaty qalasyndaǵy №2 jylý-elektr ortalyǵyn gazǵa aýystyrý jobasynyń qunyn naqtylaýdy tapsyrǵan bolatynmyn. Úkimet pen qor buryn usynylǵan kómir-elektr stansasyn jańǵyrtý jobasynyń ornyna jańa bý-gaz qondyrǵysyn ornatýdy usynyp otyr. Meniń túsinýimshe, jobanyń oryndalý merizimi – 2026 jyldyń aıaǵyna deıin. Negizi men bul usynysty qoldaımyn jáne jobany iske asyrýǵa kirisýdi tapsyramyn. Birinshi kezeńi 2023 jyly aıaqtalýy kerek», - dedi Qasym-Jomart Toqaev.