Memleket basshysy ákimderdiń nazaryn kedeıshilik qataryn azaıtý jáne áleýmettik margınaldyqqa jol bermeý qajettigine aýdardy
8 tamyzda ótken keńeske Prezıdent Ákimshiliginiń basshysy Aslan Mýsın, Premer-Mınıstrdiń birinshi orynbasary Serik Ahmetov, Aýyl sharýashylyǵy mınıstri Asyljan Mamytbekov, Aqmola oblysynyń ákimi Qaırat Qojamjarov, Qostanaı oblysynyń ákimi Nuraly Sádýaqasov, Pavlodar oblysynyń ákimi Erlan Aryn jáne Soltústik Qazaqstan oblysynyń ákimi Serik Bilálov qatysty.
Budan buryn habarlanǵanyndaı, Elbasy óńirlerdiń ınvestıtsııalyq tartymdylyǵyn arttyrýdyń mańyzdylyǵyna nazar aýdardy. Nursultan Nazarbaev ákimderdiń nazaryn qazaqstandyqtardyń ómir súrýin jaqsartý, kedeıshilik qataryn azaıtý jáne áleýmettik margınaldyqqa jol bermeý qajettigine aýdardy.
- Soltústik oblystarda iri astyq kompanııalarmen jumysty jolǵa qoıý kerek, óıtkeni olarda jumyskerler jyldyń tek 5-6 aıynda ǵana eńbek etedi. Nátıjesinde Soltústik Qazaqstan oblysynda ortasha eńbekaqy óńirlerdegi eń tómengi deńgeıde - 56 myń teńge. Bul másele jan-jaqty taldaý jasaýdy jáne shara qabyldaýdy qajet etedi. Oblysta aýyl sharýashylyq ónimderine eńbekaqy tóleý úlesi 2011 jyly 30 paıyz rentabeldiktiń bar bolǵany 5 paıyzyn qurady. «Jumyspen qamtý-2020», «Dıplommen aýylǵa» baǵdarlamalary boıynsha aýylǵa mamandar tartý úshin eleýli qarajat bólinýde. Jeke menshik kompanııalar aýylǵa mamandar jetispeıtini týraly aıtady, al ózderi tıisti eńbekaqy tólemeıdi. Bul máselemen tek memleket aınalysýda. Bul jumysqa bıznestiń de aralasýy qajet, - dep atap ótti Qazaqstan Prezıdenti.