Memleket basshysy 25 jyldyq tarıhy bar hatty eske aldy
«Ózimniń jeke muraǵatymnan bir adamnyń eki hatyn taýyp alyp, búgingi jıynǵa alyp keldim. Ol - Soltústik Qazaqstan oblysynyń fermeri Gennadıı Ivanovıch Zenchenko. Birinshisin men 1991 jyly alyppyn. Onda Gennadıı Ivanovıch bylaı dep jazypty: «Biz qazir respýblıkamyz úshin qandaı aýyr jaǵdaı ekenin bilemiz. Birden aıtaıyn: aýylda da jaǵdaı qıyn. Bizde 2,5 myńnan astam kolhoz ben sovhoz bar jáne olardyń bári toqyrap tur. Siz taıaýda halyqpen kezdesken kezde «Otanyń uly ári qýatty bolsa ony jaqsy kórý jeńil ári kóńilge senim uıalatady», degen edińiz. Ony syn saǵatta jaqsy kórý odan da mańyzdyraq. Biz syn saǵaty týǵandyǵyn bilemiz. Biraq, biz Sizdiń Qazaqstanymyzdy gúldendiretinińizge senemiz», - delingen. Ekinshi hat ta sodan kelip otyr. Qazir ol Qazaqstannyń Eńbek Eri. Hat jyl basynda keldi, - dedi Nazarbaev.
Elbasynyń atap ótýinshe, hatta Táýelsizdiktiń 25 jyly ishinde elimizdiń jetken jetistikteri aıtylǵan.
«Ózimniń jeke fermerlik sharýashylyǵym bar. Bul meniń ómirim, jumysym, meniń tabysym, otbasymnyń ál-aýqaty. Qazir nemerelerim osy jerde jumys istep jatyr. Biz myń gektar orman otyrǵyzdyq, jańa Astanamyzdy, búkil elimizde joldar men fabrıkalardy saldyq», dep jazǵan hatynda. Men Gennadıı Ivanovıchty bilemin, sońǵy ýaqytta naýqastanyp júr edi. Biraq, ol osy zalda bolýy tıis edi. Degenmen, osy zalda atalǵan sharýashylyqty júrgizetin onyń uly Zenchenko Gennadıı Gennadevıch otyr. Meniń atymnan Gennadıı Ivanovıchke tezirek saýyǵyp ketýin tileńiz», - dedi Nazarbaev.