Memleket basshylary Eýrazııalyq ekonomıkalyq komıssııa alqasynyń jańa quramyn kelisti

SANKT-PETERBÝRG. QazAqparat – Sankt-Peterbýrgte Joǵary eýrazııalyq ekonomıkalyq keńes (JEEK) otyrysy barysynda Eýrazııalyq ekonomıkalyq komıssııa alqasynyń jańa quramy bekitildi, dep habarlaıdy QazAqparat menshikti tilshisi.

Belarýs prezıdenti Aleksandr Lýkashenko EEK-de tıimdi tóraǵalyq etkeni úshin armıan tarapyna alǵys aıtty.

«Bizde barlyq máseleler sheshildi, ol máseleler arasynda tóraǵalyq, Alqa tóraǵasy, personaldyq quram bar edi», - dep atap ótti ol.

Belarýs basshysy EEK Alqasynyń jańa tóraǵasy Mıhaıl Mıasnıkovıchti tanystyrdy. Onyń kandıdatýrasyn budan buryn EAEO múshe elderi, sondaı-aq JEEK qurmetti tóraǵasy Nursultan Nazarbaev qoldaǵan bolatyn.

A. Lýkashenko Joǵary eýrazııalyq ekonomıkalyq keńestiń kezekti otyrysyn 2020 jyldyń mamyrynda Belarýste ótkizýdi usyndy.

Sammıt jumysyna Belarýs, Qyrǵyzstan jáne Reseı prezıdentteri - Aleksandr Lýkashenko, Sooronbaı Jeenbekov jáne Vladımır Pýtın, sondaı-aq Armenııa premer-mınıstri Nıkol Pashınıan qatysty. Qazaqstan tarapynan JEEK Qurmetti tóraǵasy, QR Tuńǵysh Prezıdenti Nursultan Nazarbaev bardy. Budan bólek, JEEK keńeıtilgen otyrysyna Moldova Prezıdenti Igor Dodon qatysty.