Memleket basshysy: Jasandy ıntellektini normatıvtik turǵyda retteý qajet

<p>Jasandy ıntellektini normatıvtik turǵyda retteý qajet. Bul týraly Digital Bridge 2023 halyqaralyq tehnologııalyq forýmynda Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Jasandy ıntellektini normatıvtik turǵyda retteý qajet. Búginde 120-dan astam el bul máseleni sheshý úshin ártúrli zańnamalyq akti qabyldady. Biz ozyq álemdik tájirıbege saı keletin, naryqtyń qajettiligi men azamattardyń múddesin eskeretin, quqyqtyq turǵydan retteıtin zamanaýı baza ázirleý isin jedeldetýimiz kerek», — dedi Qasym-Jomart Toqaev.

Prezıdent quqyqtyq sharttar halyqaralyq kompanııalardyń bizdiń naryqqa kelýin yntalandyrýy qajettigine aıryqsha nazar aýdartty.

«Ol úshin múddeler tepe-teńdigin saqtap, ashyq jáne ádil „oıyn erejelerin“ qalyptastyrǵan jón. Jalpy, jasandy ıntellekt quraldaryn adamdardyń kúndelikti ómirine kiriktirý ońaı mindet emes. Bul rette olardyń quqyqtary men bostandyqtary buzylmaýy tıis. Forýmǵa qatysýshylar osy salany retteıtin negizgi qujattardy, sonyń ishinde Tsıfrlyq kodeks jobasyn ázirleýge úles qosa alady dep úmittenemin», — dedi Memleket basshysy.