Memleket basshysy jańa jyldy qaıda qarsy alady

<p>Bıyl Memleket basshysy jumys saparymen kóptegen elde boldy. Saparlar barysynda shetel basshylarymen ekonomıka, áleýmet, bıznes, ınvestıtsııa basqa da salalar talqylanyp kelisimder jasaldy. Osy oraıda jyldy qorytyndylaıtyn ýaqyt keldi, dep habarlaıdy <a href="Kazinform" target="_blank" rel="noopener">Kazinform</a>.</p>

«Teńgerimdi jáne konstrýktıvti syrtqy saıasat elimizdiń ustanatyn basty baǵyty sanalady. Osy oraıda ulttyq múddeni qorǵaý, aımaqtyq jáne halyqaralyq qaýipsizdikti saqtaý máselesi basty nazarda boldy. Bıyl Memleket basshysy Qazaqstannyń halyqaralyq bedelin odan ári arttyrý maqsatynda mańyzdy sheshimder qabyldady», - dedi QR Prezıdentiniń keńesshisi – Baspasóz hatshysy Berik Ýálı búgin bergen suhbatynda.

Sonymen qatar Berik Ýálı mysal keltirdi, Soltústik Makedonııada Qazaqstan Respýblıkasynyń elshiligin, sondaı-aq Qytaıdyń Sıan, Reseıdiń Ekaterınbýrg jáne Germanııanyń Gambýrg qalalarynda Qazaqstannyń Bas konsýldyǵyn ashý týraly sheshim qabyldandy.

«Memleket basshysy óziniń týǵan kúnin de atap ótpeıtinin bilesizder. Bıyl mereıli jasy bolsa da, Qytaıda memlekettik saparmen júrdi. Al, jańa jyldy Qasym-Jomart Kemeluly da bárimiz sııaqty óziniń úıinde, dastarqan basynda áýletimen birge qarsy alady», - deıdi spıker.