Prezıdent Ulttyq olımpıada komıtetiniń prezıdenti Gennadıı Golovkındi qabyldady

<p>ASTANA. KAZINFORM &ndash; Prezıdentke Ulttyq olımpıada komıtetiniń atqarǵan jumysy jáne aldaǵy kezeńge arnalǵan jospary týraly málimet berildi, dep habarlaıdy Aqorda.</p>

Gennadıı Golovkın sport ınfraqurylymyn jaqsartý, qazaqstandyq sportshylardy tyńǵylyqty daıarlaý, elimizdiń halyqaralyq arenadaǵy bedelin kóterý jóninde salalyq mınıstrlikpen birge qabyldanǵan sharalar týraly aıtty.

Qasym-Jomart Toqaev UOK aldynda olımpıadalyq sport túrlerin ilgeriletý men kúsheıtý boıynsha mańyzdy mindetter turǵanyn atap ótti. Prezıdenttiń aıtýynsha, qurama komandalarymyzdyń álemdik básekelerdegi nátıjelerin arttyra túsý qajet.

Memleket basshysy Gennadıı Golovkındi Halyqaralyq boks federatsııasy (World Boxing) Olımpıada komıssııasynyń tóraǵasy bolyp taǵaıyndalýymen quttyqtady.

Buǵan deıin habarlanǵandaı, Prezıdent Shavkat Rahmonovty UFC-degi kezekti jeńisimen quttyqtady.