Memleket basshysy Túrikmenstannyń Syrtqy ister mınıstri Rashıd Meredovti qabyldady

<p>ASTANA. KAZINFORM &ndash; Qazaqstan Prezıdenti Astanaǵa resmı saparmen kelgen Túrikmenstan Mınıstrler kabıneti tóraǵasynyń orynbasary &ndash; Syrtqy ister mınıstri Rashıd Meredovti qabyldady, dep habarlaıdy Aqordanyń baspasóz qyzmeti.</p> <!-- [if !supportLineBreakNewLine]--> <p></p> <!--[endif]-->

Memleket basshysy túrikmen dıplomatyna iltıpat bildire otyryp, dostyq, tatý kórshilik jáne strategııalyq seriktestik rýhynda nyǵaıyp kele jatqan qazaq-túrikmen qatynastarynyń qazirgi jaı-kúıine oń baǵa berdi.

– Biz Túrikmenstandy senimdi strategııalyq seriktes jáne tarıhı turǵydan týys memleket retinde qarastyramyz. Shyn máninde, sońǵy jyldary elderimiz arasyndaǵy yntymaqtastyq qaryshtap damyp, sonyń ishinde ekonomıkanyń strategııalyq salalary tyń qarqyn aldy, – dedi Prezıdent.

Qasym-Jomart Toqaev oraıly sátti paıdalana otyryp, Túrikmenstan Prezıdenti Serdar Berdimuhamedov pen Túrikmen halqynyń ulttyq kóshbasshysy, Halk Maslahatynyń tóraǵasy Gýrbangýly Berdimuhamedovke izgi tilegin joldady. 

Foto: Aqorda

Rashıd Meredov dástúrli túrde qurmet kórsetkeni úshin Qazaqstan Prezıdentine alǵys aıtyp, memleketaralyq baılanystardyń barlyq baǵyty boıynsha Astanamen aradaǵy ekijaqty yntymaqtastyqty odan ári keńeıtýge Ashhabadtyń beıildi ekenin rastady. 

Foto: Aqorda

Kezdesýde saýda-ekonomıka, energetıka jáne kólik-logıstıka salalaryndaǵy iri jobalardyń júzege asyrylý barysy talqylandy. Sondaı-aq atalǵan jobalardy tolyqtaı iske asyrý mańyzdy ekeni atap ótilip, bul baýyrlas memleketter arasyndaǵy qarym-qatynastarǵa jańa sıpat beretini jaıynda aıtyldy.

Jyldan-jylǵa tyń mazmunmen baıyp kele jatqan mádenı-gýmanıtarlyq saladaǵy yqpaldastyqqa basa mán berildi.

Qasym-Jomart Toqaev pen Rashıd Meredov óńirlik jáne halyqaralyq kún tártibindegi ózekti máselelerdi talqylap, joǵary deńgeıdegi baılanystardyń aldaǵy kestesin qarastyrdy.