Memleket basshysy Túrkııa Prezıdenti Rejep Taııp Erdoǵanmen telefon arqyly sóılesti

<p>Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanmen telefon arqyly sóılesti, dep habarlaıdy <a href="https://kaz.inform.kz/lenta/" target="_blank" rel="noopener">QazAqparat</a>.</p>

Áńgimelesý barysynda prezıdentter ózara senim men qoldaýǵa negizdelgen eki el arasyndaǵy keńeıtilgen strategııalyq seriktestikti odan ári nyǵaıtýǵa nıetti ekenin rastady.

"Eki el basshylary saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy ekijaqty yntymaqtastyqty tereńdetý perspektıvalaryn talqylady, sondaı-aq halyqaralyq jáne óńirlik kún tártibindegi ózekti máselelerdi qarastyrdy.

Qazaqstan men Túrkııa prezıdentteri bıyl qarasha aıynda Astanada ótetin Túrki memleketteri uıymynyń X sammıtine daıyndyq barysy týraly pikir almasty. Qasym-Jomart Toqaevtyń aıtýynsha, bul jıyn túrki elderi arasyndaǵy qarym-qatynasty damytý úshin mańyzdy qadam bolmaq", - dep jazylǵan Aqordanyń jelidegi resmı paraqshasynda.