Memleket basshysy transferttik baǵa belgileý jónindegi qujatqa qol qoıdy

<p>ASTANA. KAZIFORM - Memleket basshysy &laquo;Qazaqstan Respýblıkasynyń keıbir zańnamalyq aktilerine transferttik baǵa belgileý máseleleri boıynsha ózgerister men tolyqtyrýlar engizý týraly&raquo; Qazaqstan Respýblıkasynyń Zańyna qol qoıdy.</p>

Bul týraly Aqordanyń baspasóz qyzmeti habarlady.

Zań halyqaralyq iskerlik operatsııalarda jáne osyǵan qatysty mámilelerde transferttik baǵa belgileý isin jetildirýge baǵyttalǵan.

Zańda naryq baǵasyn aıqyndaý tetikteri qaıta qaralyp, taýar bırjalaryndaǵy transferttik baǵa belgileý máselesine baqylaý engizildi. Sondaı-aq mámilege qatysýshy taraptardy ózara baılanysty dep taný krıterııleri keńeıtildi jáne ózara baılanysty rezıdent emes tulǵalarmen mámilelerge qatysýshylar úshin jergilikti eseptilikti usyný mindettemesi engizildi.

Atalǵan túzetýler men tolyqtyrýlar naryqtaǵy ádil baǵany aıqyndaý jáne memlekettik bıýdjetke túsetin qarjynyń joǵalyp ketýine jol bermeý úshin jasalyp otyr. Sonymen qatar Zań transferttik baǵa belgileý máseleleri boıynsha baqylaý júrgizý kezinde tekserýshi organdar men salyq tóleýshilerdiń ákimshilik shyǵyndaryn azaıtýdy kózdeıdi.

Zańnyń mátini baspasózde jarııalanady.