Memleket basshysy Tım Dreıpermen kezdesti

<p>Memleket basshysy Draper Fisher Jurvetson kompanııasynyń teń quryltaıshysy jáne Dreıper Ýnıversıtetiniń negizin qalaýshy Tım Dreıpermen kezdesti, dep habarlaıdy<strong> </strong><a href="https://kaz.inform.kz/" target="_blank" rel="noopener">Kazinform.</a></p>

Aqordanyń baspasóz qyzmeti máim etkendeı, Prezıdent Digital Bridge halyqaralyq forýmyna belsendi qatysqany jáne mazmundy baıandama jasaǵany úshin Tım Dreıperge alǵys aıtty. Memleket basshysy tanymal Meet the Drapers realıtı-shoýynyń bir epızodyn Qazaqstanda túsirý týraly bastamany quptady.

Kezdesý barysynda venchýrlyq kapıtal men startaptar ındýstrııasyn damytý máseleleri, sondaı-aq aldaǵy josparlar men yntymaqtastyqtyń perspektıvti baǵyttary talqylandy.

Tım Dreıper óz kompanııasynyń venchýrlyq kapıtaldy damytýda baı tájirıbesi bar ekenin atap ótti. Sondaı-aq Draper Fisher Jurvetson kompanııasy Ortalyq Azııa óńirine, atap aıtqanda, Qazaqstan naryǵyna zor qyzyǵýshylyq tanytyp otyrǵanyn jetkizdi. 

Foto: Aqordanyń baspasóz qyzmeti

Qasym-Jomart Toqaev venchýrlyq kapıtal naryǵyn qurý úshin Qazaqstanda berik ınstıtýtsıonaldyq, quqyqtyq jáne qarjylyq negiz qalanyp jatqanyna nazar aýdardy. Elimiz Draper Fisher Jurvetson sekildi halyqaralyq venchýrlyq qorlardyń Qazaqstan naryǵyna kelýine keń jol ashady.