Memleket basshysy tigin fabrıkasynda boldy
19:29, 27 Qyrkúıek 2024
<p>TÚRKІSTAN. KAZINFORM — Prezıdent Ordabasy aýdanynda «JNRAY Group» seriktestigi bıyl iske qosqan tigin fabrıkasynyń jumysymen tanysty.</p>
Aýmaǵy 6 myń sharshy metr bolatyn jeńil ónerkásip nysanyn ashýǵa memlekettik ındýstrııalandyrý baǵdarlamasy aıasynda 1,4 mıllıard teńge kóleminde qarjylaı qoldaý kórsetilgen.
Qasym-Jomart Toqaevqa fabrıkada kıim-keshek, tósek jabdyqtary jáne arnaıy kıim túrleri shyǵarylatyny jóninde málimet berildi.
Búginde kásiporynda 300 adam jumys isteıdi. Keleshekte ónim túrlerin kóbeıtip, tiginshiler sanyn 500-ge deıin jetkizý josparlanǵan.
Qajetti shıkizat kórshiles Ózbekstan men Qyrǵyzstan elderinen jetkiziledi.
Memleket basshysy tigin tsehyn aralap kórip, ónim úlgilerimen tanysty.