Memleket basshysy Soltústik Qazaqstan oblysyna jumys saparymen bardy
11:27, 16 Sáýir 2024
<p>ASTANA.KAZINFORM - Qasym-Jomart Toqaevtyń jumys sapary Sergeevka sý qoımasyn, Qyzyljar aýdanyn jáne Petropavl qalasynyń tóńiregin tikushaqpen aralap kórýden bastaldy.</p>
Oblys ákimi Ǵaýez Nurmuhambetov Memleket basshysyna Soltústik Qazaqstan oblysynyń Qyzyljar, Esil, Shal aqyn aýdandary men Petropavl qalasyndaǵy sý tasqyny jaǵdaıyn baıandady. Óńir ákiminiń aıtýynsha, alty aýdanda tótenshe jaǵdaı jarııalanǵan. Qazirgi tańda 2 myńnan astam turǵyn úıdi sý basqan, 10345 adam evakýatsııalanǵan.
Sý tasqynyna qarsy sharalarǵa 5270 adam jáne 906 tehnıka jumyldyrylǵan. Halyqtyń turmys-tirshiligine qajetti ınfraqurylymdardy qalpyna keltirý jumystary júrgizilip jatyr. Tabıǵı apattan zardap shekken azamattardyń materıaldyq shyǵyndaryn esepteý jáne óteý jóninde komıssııa qurylǵan.